ATL Road siamna dah belh Total bandh neih tum thulh

ATL Road siamna dah belh
Total bandh neih tum thulh
Aizawl -Thenzawl- Lunglei Road siamna atana sum awmsa pawhpen dahlet phuta Lunglei MZP leh anmahni thlawptu pawlten kawngpui dan titawp riha total bandh neih an tum chu sawrkarin he kawng enkawlna atan sum a dah belh avangin an thulh leh.
Thudawn danin MZP Hqrs. Lunglei hruaitute leh Lunglei district-a ruling MLA thenkhat chu Ningani chawhma khan an thukhawm a. ATL Road, Pukpui- Mausen siamna atan cheng vaibelchhe 45 ruahman tawh bakah Mausen- Kanghmun South inkar siamnan vbch. 58.99 sawrkarin a ruahman fel tih inhrilhin, vbch. 58.99 in a daih lohna pawh dah belh zel sawrkarin a inhuam tih hrilh an ni a. Sum ruahman dan document pawh MZP hruaitu hi hlan an ni.
Lunglei MZP leh an thawhpui pawl dangte hi chawhnu lamah an thukhawm zui a. Sawrkara an thil phut, ATL road siamna tur sum pawhpen dah let tura ngiat cheng vaibelchhe 44.89 aia tam cheng vbch. 58.99 an dahna order bakah CRRI mithiamten zirchiang tura ruahmanna an chhawpchhuah leh tuna sawrkarin sum a dah bak a daih lohna chin zawng pawh dah zel a nih tur thu an dawn avangin total bandh neih tum chu thulh a ni tih an puang.
Hetihrual hian sawrkar chu a intiamnaah a dingnghet em, tih an enzui zel dawn tih an sawi a. ATL road chu an siam tirh atanga a tawp thlengin an vil zui dawn tih Lunglei MZP hian an sawi a ni.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More