ATL Road siamna tur sum
pawhpen dahlet kan phut
– Lalruatkima
Aizawl -Thenzawl- Lunglei Road siamna atana sum dah chu pawtpeng loa dah let turin sawrkar an phut tih MNF hruaitu Lalruatkima chuan a sawi.
MNF Gen. Hqrs. ruahmanna siam angin Thawhtanni khan MNF Sub-Hqrs Lunglei chuan Lunglei district-a MNF party atanga local council leh village council-a thlantharte an chawimawi a. Hmanpuitu MNF treasurer Lalruatkima chuan Lungleia zirlai pawlten ATL Road an dang chu an party chuan a thlawp tih sawiin, sawrkarin ATL Road siamna tur sum a pawhpen chu ATL Road siamnana hmang ngei turin a phut tih a sawi.
LC/VC inthlan chu a hun takah inthlang loin, kuthnathawktuten sawrkarah beisei an neih vung vanglai takin inthlan an buatsaih a, a hun takah inthlan nise, rorel lai party-in seat an lak tlem a ring tih a sawi a ni.
Mizoram Universal Health Care Scheme-a inziahluh man a sang lutuk chu mirethei leh harsa zawkte tan a luhaithlak tih MNF hruaitu hian a sawi a. Inziahluh hun hawn tawh hnua a kalphung tur ngaihtuaha midang kalphung zirchiang tura an la intir mek chu kal ngaihna an hre lo tih a sawi a ni.
ATL Road siamna tur sum pawhpen dahlet kan phut – Lalruatkima
Get real time updates directly on you device, subscribe now.