ATP-in khawlum kaihhnawih chawlh dan thar an siam

ATP-in khawlum kaihhnawih chawlh dan thar an siam
Tennis khelh laia khawlum lutuk (extreme heat) avangin player-te an talbuai fo a; football-ah pawh chuti ang hunah chuan tuivawt inna hun chawlh tawi (lemon break) an hmang thin a, mipa ennis thuneitu sang ber ATP pawhin 2026 season atanga hman tan turin extreme heat rule thar an trih mai chu an hmang tan dawn tih an puang.
An dan tharah chuan men’s tour-a best of three sets singles match bikah intihdaihna hun minute 10 (10-minute cooling break) hman theih a ni tawh ang.
Kumin Shanghai Masters khelh lai pawh khan Holger Rune chu Shanghai khawlum lutuk avangin a talbuai a, towel huhin a chalte a han hru a, doctor buaipui a ngai hial a ni!
ATP dan thar ang hi women’s professional tennis enkawltu WTA lam chuan khawlum lutuk laka an player-te venhimna atan kum 30 chuang liamta khan an lo hmang daih tawh a ni.
Tarlan tak angin, kumi n October thla Shanghai Masters an khelh laia stadium chhung chhun lai boruak lum zawng kha 34C niin, boruak hnawn dan tehnaah 80% a kai a, boruak lum hnawng uap churh karah world number 15 Holger Rune chuan tluang takin a third round match a khel tluan thei lo a, inkhelh laklawh laiin medical treatment a lak hial a ngai a, Dane hian an inkhel viltu official hnenah, “Court chhunga player thihtir in duh em ni?” a tichhuak hial!
ATP thuchhuah chuan an policy-ah dinhmun uchuak laka an player-te venhim a telsa ve reng tih sawi chungin an dan thar duanchhuah chu ni sa (direct sunlight) vanga khawlum zawng tehchhuah dan Wet Bulb Globe Temperature (WBGT) an tih behchhana hman tur a nih thu an tarlang.
Match khelh laia chawlh chungchangah ‘a lum em mai, chawl leh phawt ang’ tih liam mai mai kha a rem dawn lo a, WBGT tehna atangin temperature, humidity, wind speed, sun angle leh chhum (cloud cover) an thlir ang a, player-te ngenna angin official-te’n 10-minute cooling break hi an puang chauh dawn a ni.
Best-of-three match-a set hmasa pahnih an khelh chhunga WBGT tehnaa 30.1C leh a chunglam a kawh chuan player tu emaw zawk zawkin 10 minutes to cool off hi an dil thei chauh dawn a ni.
Heti ang hunah hian ATP medical staff-te’n player-te leh boruak an thlithlai reng ang a; player-te chuan tui an tlachham (hydrate) thei a, he chawlh chhung hian an thawmhnaw an thlak thei ang a, an duh chuan shower pawh an hmang thei ang a, an chawlh chhung hian an coach-te hnen atang pawhin thurawn an la thei ang.
WBGT tehnaa 32.2C a pelh phei chuan inkhel laklawh lai pawh hun danga khelh chhunzawm emaw khelh that turin emaw tihtawp theih a ni ang.