August 22-ah AMC by election nei dawn

Aizawl Municipal Corporation huamchhunga Ward No. VI corporator John Zosangliana Ralte thih avanga seat ruak hnawhkhat turin State Election Commission chuan 2024 August 22 hian ey-election a buatsaih dawn.
SEC hriattirna tichhuah ang chuan, vote hi zing dar 7.00 atanga tlai dar 4.00 thleng thlak a ni anga, vote tla hi August 26-ah chhiar a ni ang. Tun dinhmunah ZPM party chiahin candidate an la puang a ni.
AMC Ward No. VI ah hian veng pathum – Chanmari West, Edenthar leh Hunthar a awm a; vote nei mi 9901 an awm. Polling station 10 a awm a ni.
Inthlan hun tur puan a nih tak avangin Ward No.VI huamchhungah hian model code of conduct hman nghal a ni a. Political party-te, candidate-te, minister leh MLA bakah inthlana inhnamhnawih public servant-te a huam a ni.