Australian Open 2024 draw thlir teh ang

Australian Open 2024 draw thlir teh ang
Tun January 14-28 chhunga Melbourne Park-a khelh tur Australian Open 2024 draw a chhuak ta a, hliam avanga thlariat zet a chawlh hnua Grand Slam-a kirleh tur Briton Emma Raducanu chuan American Shelby Rogers hmachhawn chungin bul a tan dawn.
Kum 21-a upa Raduca-nu banrek leh kheimit hliam chu nikum May thla khan zaisak niin, karliamta khan Auckland Classic-ah a come-back tournament a nghakchhuak a, Elena-Gabriela Ruse a hneh hnuah kal zel thei loin Elina Svitolina chuan a dangbet zui ta a ni.
Kum 2021 khan ropui taka inlanin US Open title a rawn la nawlh a, khami hnuah erawh Grand Slam-a champion tih ni a nei thei ta reng reng lo a; Aus-tralian Open-ah hian hliam avanga a ranking vensak a ni chungin world number 103-na ni duai tawh chungin ainlan ang.
Rogers pawh hi season liamta second half pumpui kha dulthuar na avangin a chawl a, ani pawh hi hliam avanga a ranking humhimsak zingah telin, top 50 huangah a la awm pha.
An pahniha a chak zawk zawk hian second round lamah Chinese Wang Yafan leh Romanian 22nd seed Sorana Cirstea inkhela tlang zawk zawk tum lehin, British number one hlui Raducanu hi a tlang zel a nih chuan third round-ah British number one ni mek Katie Boulter nen an intawngf thei dawn.
Raducanu leh 57th-ranked Boulter hi women’s singles khel tura direct entry hmu Briton pathum zinga pahnih niin, Briton dang Jodie Burrage chuan Australian Open main draw a thlen vawikhatnaah German world number 81 Tamara Korspatsch a su hmasaber thung dawn a ni.
Boulter thungin Chinese Yuan Yue lakah bul a tan dawn a, a chak chuan second round-ah player khawng zawk tura ngaih 12th seed Zheng Qinwen a su leh thei ang.
Women’s draw lama inkhel tir lam ngaihven hlawh tur zingah top seed Iga Swiatek leh 2020 champion Sofia Kenin inhmachhawn tur hi a langsar.
He fiahna hi a paltlang thei a nih chuan Swiatek hian he hmuna vawihnih champion ve tawh Angelique Kerber leh 2022 runner-up Danielle Collins inkhela tlang zawk zawk a tum zui leh dawn a; Kerber hian nikuma fa a hrin hnuah tun hi comeback a rawn nei leh thei dawn a ni.
Japan star Naomi Osaka pawhin nau neih chawlh a hman zawh hnuin Melbourne Park a thleng leh thei ta a, a bultanna inkhelah French 16th seed Caroline Garcia tumin, Kazakhstan third seed Elena Rybakina leh world number one hlui Karolina Pliskova-te chu first round-a insu tur langsar dang an ni.
Defending champion Aryna Sabalenka chuan qualifier tum chungin bul a tan dawn a; semi-final lama Belarusian su thei tur US Open winner Coco Gauff chuan first round inkhel dangah Slovakia player Anna Karolina Schmiedlova a tum ve bawk ang.
Mipa lama defending champion Novak Djokovic chuan qualifier emaw lucky loser emaw a tum dawn a; Melbourne Park-ah hian a champion leh a nih chuan a career-ah major title 25 a hui tling dawn a ni.
Kaihza tha na avanga nikum Australian Open-a inlan thei lo Spain star Carlos Alcaraz Garfia Alcaraz chuan first round-ah French veteran Richard Gasquet a hmachhawn ve thung ang.
Men’s draw dangah nikum runner-up Stefanos Tsitsipas chuan fiahna lian tak a hmachhawn nghal dawn a, he hmuna semi-finalist lo ni ve tawh Matteo Berrettini lakah bul a tan ang.
Alcaraz nena draw thlur thuhmuna awm third seed Daniil Medvedev chuan first round-ah qualifier tum thung dawnin, Australian number one Alex de Minaur chuan 2016 Wimbledon runner-up Milos Raonic a hmachhawn thung dawn a ni.
Australian Open final tum nga ngawt lo khel ve tawh Andy Murray chuan 30th seed Tomas Martin Etcheverry tum chungin bul a tan dawn.
Nimin, Ningania Melbourne Park-a draw tihfel takah Kum 36 mi Murray hi British player zinga seeded player laka bul tan tur awmchhun niin, world number 44 ni mekMurray hian tunhnaia BBC Sport lamin an kawm tumin kumin hi a chawlh hmaa a season hnuhnungber a nih theih tawh thu a lo sawichhuak tawh a; tuntum hian third round a lut a nih chuan Djokovic nena inhmachhawn theihna chance a nei.
Cameron Norr-na a luah a, first round-ah Peru mi Juan Pablo Varillas a tum dawn.
A chawn a tihnat hnua khelmuala kirleh thei Dan Evans chuan Italian world number 46 Lorenzo Sonego lakah bul tanin, a chak chuan round hnihna lamah second seed Carlos Alcaraz nen an inhmachhawn thei ang.
2024 season-a Grand Slam tourna-ment hmasaber Australian Open hi Pathiannia khelh tan tur niin, Melbourne Park tournament organiser-te chuan zan rei tak tak thlenga inkhelh ngai thin pum-pelhna’n kumin hian tournament khelh hun chhung ni 15 zetin an pawtsei.