Australian Open final-ah Prannoy chak zo lo

Pathianni Austra-lian Open badminton tournament men’s singles final-ah HS Prannoy chuan a tum ram thleng zo loin game thum khelhah Chinese Weng Hong Yang a hneh lo.
Minute 90 awh in-khelah Prannoy hian season kal laia BWF title pahnih lak tlin a tumna puitlin zo loin World No 24 Weng lakah 9-21, 23-21, 20-22-in a tlawm.
Kum 24-a upa ni mek Weng hi player tha tak niin, nikum Korea Open leh 2019 China Masters-ah a cham-pion a, kumin May thla Malaysia Masters final-ah khan Prannoy lakah hian tlawmin, Pathian-ni Australian Open final-ah phuba a la a, tuntum chu a chechhe zawkah kum 31 mi Ke-rala tlangval Prannoy a tang ta tlat a ni.