Ayodhya deepotsav in hlum bati chhi tam record siam

Ayodhya chuan hmun khata hlum bati chhi tam record an siam leh ta. November ni 11, 2023 khan record hi siamin, Uttar Pradesh Chief Minister Yogi Adityanath pawhin a tel pui a, bati maktaduai 2.2 chuang chhi-in record hi an siam a, CM Yogi hian Guinness World Records atangin record an siam tih entirna certificate a dawng nghal a ni.
Record siam nan hian diyas (hlum hmanga siam bati) an hmang a, a hmaa hetiang record chu kumin Shivaratri a Ujjain-a an siam niin, hemi tum hian hlum bati maktaduai 1.88 an chhi a ni.
Deepotsav a Ayodhya-a record siam hi Yogi a CM atanga an chin tan a ni a, an record siam hmasak ber chu 2017 kha niin, hemi tum hi chuan bati 51,000 an chhi a, 2019-ah bati 4,10,000 chhiin record an siam leh a, 2020-ah bati 6,00,000, 2021-ah bati 9,00,000, 2022-ah bati 17,00,000 te chhiin record an siam tawh a, tunah record thar an siam leh ta a ni. Record siam tur chuan bati te hi minute 5 tal an alh ngei ngei a ngai a ni.