Bad Bunny ‘DtMF’ a lar ber
Bad Bunny ‘DtMF’ a lar ber
Bad Bunny hla ‘DtMF’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a a hla No.1 kai thei pangana niin, Taylor Swift nihrualin, he chart-a No.1 kai thei hla ngahah pahnihna a ni ve ta a, soloist-ah chuan Swift nen hian he chart-a No.1 kai thei hla ngah ber an ni. A nawlpuiah pawh No.1 kai thei hla pasarih nei tawh BTS chiah an pha lo. Billboard Global 200 chart hi 2020 September atanga an tih tan a ni.
Billboard Global 200 chart hi kar khat chhunga khawvel huapa hla lar dan niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Bad Bunny ‘DtMF’ hian kar khat chhungin stream maktaduai 130.5 leh sales 3,000 neiin, chart No.1 a ni a, he chart-a a hla No.1 kai thei pangana niin, a hla dang ‘Monaco’ (October 2023), ‘Where She Goes’ (June 2023), ‘Un x100to’ (May 2023) leh ‘Dakiti’ (November-December 2020) te pawh chart No.1 a lo kaipui tawh.
Tunkar chart top 10-ah hian Bad Bunny hla dang pali chu top 10-ah langin, tihian tunkar chart top 10-a hla panga chu Bad Bunny hla a ni a, “BAILE INoLVIDABLE” chu No.10 atangin No.4-ah a insawn a, “NUEVAYoL” chu No.9 atangin No.5-ah a insawn a, “VOY A LLeVARTE PA PR” chu No.14 atangin No.8 a kai thar a, “VeLDÁ” chu No.22 atangin No.9 a kai thar ve leh bawk. Tihian he chart top 10-a lang thei hla 24 a nei tling ta chiah a, Drake (35) leh Taylor Swift (33) te chiah a pha lo.
He chart-a kar 11 No.1 tawh ROSE leh Bruno Mars ‘APT.’ chu No.2-ah a tawlh a, chart No.1 hlui Lady Gaga leh Bruno Mars ‘Die With a Smile’ chu No.2 atangin No.3-ah a tawlh ve ta bawk.
Billboard Global 200 Top 10:
1 DTMF – Bad Bunny
2 APT. – ROSE & Bruno Mars
3 Die With A Smile – Lady Gaga & Bruno Mars
4 Baile Inolvidable – Bad Bunny
5 Nuevayol – Bad Bunny
6 That’s So True – Gracie Abrams
7 Birds Of A Feather – Billie Eilish
8 Voy A Llevarte Pa PR – Bad Bunny
9 Velda – Bad Bunny, Omar Courtz & Dei V
10 Messy – Lola Young