Bad Homburg, Ger-many-a hmeichhe inelna bik Wimbledon inbuat-saihna hnuhnung Bad Homburg Open-ah world number one Iga Swiatek chuan hnehnain bul a tan a, nikum Wimbledon semi-finalist Tatjana Maria lakah 5-7 6-2 6-0 hnehna a chang.
French Open title a lak hnua chawl det Pole chuan harhvang vek vawkin Germany ramah London tournament atana inbuatsaihna a tan a, tualchhung player lakah set khatna hloh zet mah se a hnuah harsatna lian a tawk zui lo.
Kum 22 mi Swiatek hian Wimbledon fourth round la pel zo ngai lo mah se WTA Tour-a player hlauhawm ber a nih miau rih avangin karleha grass-court grand slam khelh tan turah hian rinkai zingah rinluh loh theih a ni lo ang!
Germany ram tour-nament kal mekah hian US Open champion hlui Bianca Andreescu chuan Britain world number 264 Sonay Kartal lakah 6-2 3-6 7-5 hnehna a chang ve hram bawk.
Canada player dang, 2021 US Open runner-up ni bawk Leylah Fer-nandez ve thung chuan tualchhung nula Lena Papadakis laka 6-0 6-1 hnehna awlsam chang turin minute 54 chiah a mamawh thung.
Moscow-a piang Var-vara Gracheva pawhin French khua leh tui nihna a chan hnua a match khelh hmasak berah Romanian Jacqueline Cristian chu 6-2 6-2-in a hneh ve bawk.
Gracheva hian France ramah kum ruk ngawt training a kalpui hnuin French khua leh tui nihna a dil chhuak a, a nihna thar nen Wimbledon a hmachhawn dawn a ni.
Bad Homburg Open-a inlan Swiatek
Get real time updates directly on you device, subscribe now.
Prev Post