Badminton zirna hmun din
Mizoram Badminton Centre Zuangtui-a TATA Trusts, NEIDA, Pullela Gopichand Badminton Academy, Mizoram State Sports Council leh Mizoram Badminton Association thawhhonaa din, Regional Competitive Training Centre (RCTC) leh MBC Grassroot Centre chu Ningani khan Sports minister Lalnghinglova Hmar chuan a hawng.
Minister chuan badminton-ah India a san avangin ram pum huapa lan phak chu khawvela lang phak nihna a ni, tih a sawi a. Kum 2036-a India-in Olympics thlen a tumah pawh Mizoram infiammi an tel ngei theihnan hma lak a ni, tiin, Mizoram-a badminton player-te that dan enin, Olympic-a an lan theih a hnai riau nia an hriat thu leh, sawrkarin Empowering Mizoram Sports hnuaia sports discipline a thlan bikah badminton a telh thu a sawi a ni.
Report atanga a lan dan in, he thawhhona hnuaiah Mizoram hmun hrang hrangah Grassroot Centre 24 a awm mek a, chu’ngah chuan naupang 1047 an inziaklut. Kolasib leh Champhaiah Elite Centre din a ni a, hengah hian badminton training lai 27 an awm. RCTC Zuangtuiah 20 awmin, PGBA-ah 9, TATA Trusts-in an sponsor a ni.
Get real time updates directly on you device, subscribe now.
Next Post