Baihvaite enkawlna hmunah kutdawh hmeichhia dahlut

Baihvaite enkawlna hmunah
kutdawh hmeichhia dahlut
Canteen Kual leh Lammual bul Traffic Point inkar, Assam Rifles mandir bula kea kalnaa kutdawh hmeichhe pakhat thu thin chu midangin an tih tir a ni tih hriat a ni a, amah hi a taksa a chak loh em avangin social activist-ten tuamhlawmin Women & Child Development (WCD) department hnuaia hmeichhe baihvaite enkawlna, ‘Shati Sadan’ ah an dahlut.
He kutdawt hi hmuh thuak pawhin a damlo tih a hriat theih a, thlasik khawvawt takah lo thi palh se, Kristian ram leh Mizo hnam mualphona thlen thei nia an hriat avangin social activist pahnih – Vanramchhuangi leh Lalrampuii chuan a dinhmun an zawtchiang a, kutdawh tur hian zingah taxi-in an dah a, tlaiah taxi bawkin an hruai leh thin tih a sawi thei a, a taksa a chhia in a chak lo hle a, a tih tir tute zawnchhuah hma in enkawl dam phawt nise, tiin, WCD director ruahman puinain Shakti Sadan-ah an dah tih sawi a ni.
Hetianga kutdawhtirtu hi man chhuaha a phu tawk hremna pek ngei an duh hle tih amah tuamhlawmtute hian an sawi a ni.