Bana Kaihna atana thawhpui tur thlan dan nodal officer-ten an zir

Bana Kaihna atana thawhpui tur
thlan dan nodal officer-ten an zir
Sawrkar flagship programme – Bana Kaih kalpui tur department-a nodal officer-ten an thawhpui – progress partner thlan chhuah kawnga hriat tur leh tih dan chu Thawhlehni khan an zir. Mizoram State Policy Coordination Committee (MSPCC) hi an vice chairman, adviser to chief minister (Hand Holding) Dr KC Lalmalsawmzauva hoin an thukhawm a. Mizoram tih hmasawnna tura thiamna leh theihna nei, thawhpui tur – progress partner thlanchhuah kawnga nodal officer-te hmalakna leh inpeknaah lawmthu sawiin, ram tan hmasawnna thlen thei tura theihna nei, mi hlawhtling tur ngei thlan chhuah hna chu phur tak, uluk tak sia thawk turin a ngen.
Progress partners thlan chhuah kawnga nodal officer-te pui thei tur, assessment sheet duan thar chu a hman dan enho a ni a. Progress partner-te dilna mila loan ruahman theih, Commerce & Industries, AH& Vety, Agriculture & Farmers Welfare, Fisheries leh Horticulture department hnuaia scheme hrang hrang awmte zirho a ni.
State Bank of India, Mizoram Rural Bank leh Mizoram Cooperative Apex Bank hnuaia loan scheme hrang hrang tarlan a ni a; Credit Guarantee Fund Trust for Micro & Small Enterprises leh Mizoram Credit Guarantee Scheme chungchang zirho a ni bawk.