Bangladesh-a Hindu te himna tur ngaihtuah mek a nih thu Sarma-a’n sawi

Bangladesh-a Hindu te himna tur ngaihtuah mek a nih thu Sarma-a’n sawi
Assam chief minister Himanta Biswa Sarma chuan Bangladesh-a Hindu te tawrhfona avangin sorkar laipui chuan an himna tur a ngaihtuahsak mek thu a sawi.
Bangladesh-ah chuan Hindu te chu tlemte niin, an himna ngaihtuahsak chu Bangladesh sorkar mawhphurhna a nih thu a sawi a, an ti thei lo a nih chuan India chuan tihdan kawng a zawnsak mai tur thu Sarma chuan a sawi bawk.
Cachar district-ah Sarma hian programme neiin, a hun hman zawhah thuthar thehdarhtute zawhna chhangin, Bangladesh buaina chungchang chu thil pawi tak leh India pawhin theihtawpa a tanpui lai a nih thu a sawi a, chuta karah hnam tlem zawk Hindu te himna ngaihtuah chu thil tul tak leh Bangladesh sorkar pawhin a mawhphurhna a ni tih hria a, a tih ngei tur niin a sawi.
Prime minister Modi chuan venhimna an dawn ngei theih nan theihtaw a chhuah thin thu Assam CM chuan sawi bawkin, Modi thawhrimna hmang hian an him chhoh ngei a rin thu a sawi bawk.