Bangladesh Prime Minister Sheikh Hasina chuan an rama buaina nasa tak chhuakah politics lama a hmelma te chu mawhpuhin lohtheihloha mipui him nana curfew puang lo thei lova nawrah a puh.
“Curfew puan ka duh ngai lo” tiin capital Dhaka a business leader te nena meeting an neihnaah a sawi a. “Thil awm dan a zia hunah curfew kan hlip ang” tiin a sawi.
A hma lawkin Bangladesh Supreme Court chuan sorkar hnaa quota tam ber te chu hnawl bawkin he quota system hi Bangladesh a buaina thlentu chu a ni bawk.
Lungawilohna nasa taka lantirnaah lungawilote leh police te inbeihnaah mi 150 chuangin nunna an chan phah tawh a, Hasina chu prime minister a nihna atanga bang tura nawrna a nasa hle bawk.
Hasina chuan opposition party lian ber Bangladesh Nationalist Party leh an student wing Jamaat-e-Islami te chu tharumthawhna thlentu tiin a puh a, a sorkar chuan ‘militants te rapbetin environment tha zawk a siam ang’ tiin a sawi bawk.
Political analyst te chuan Bangladesh buaina chu Asia a hmeichhe thiltithei ber in a la tawn ngailoh amah fiahna tiin an sawi.
Kum 76-a upa Hasina hian kumin January thla khan opposition party lian ten inthlan an boycott hnuah a zawna tum li nana prime minister nihna a chelh leh a ni.
“Sheikh Hasina leh a party tena liberation war politics thila a hmang rim lutuk leh kum tam tak khua leh tui te basic voting rights chhuhsak te leh a sorkar in dictator taka rorelna a kalpui te chuan mipui nawlpuiah thinrimna a thlen a ni” tiin Mubashar Hasan, University of Oslo a research fellow leh Asia khawmualpuia authoritarianism zirchiangtu chuan a sawi a.
“Vanduaithlak takin, Bangladesh mitin tana prime minister a ni ngai lo va. Group khat te mai leader chauh a ni zawk” tiin a sawi bawk.
Pathiannia Supreme Court in a hnawl hma chuan Bangladesh chuan sorkar hnaa 30% lawih chu kum 1971 a Bangladesh in Pakistan laka war of independence a kalpuia raldotu fate tan a hauh a ni.
Supreme Court chuan indona a tel veteran te chhungte tan hna 5% chauh hauhsak tawh tur tiin thutlukna a siam ta thung a. hasina hi Bangladesh founding leader Sheikh Mujibur Rahman fanu a ni.
Hasina sorkar chuan kum 2018 khan reservation a lo titawp tawh a, mahse, court hniam awk chuan thuneitute chu June thla khan quota system chu hmang leh turin a ti zui leha chutak chu lungawilohna lantirna bul chu a ni ta a ni.
University zirlai te chuan karhnih kalta vel atang khan lungawilohna an lantir tan a. Quota system chu hleihnei taka pro-government group fate tana hauhsakna tia sawiin chu chu hnawla merit-based recruitment kalpui an ngiat a ni.
A tirah zirlaite thil ngiat chu Hasina chuan a uksak duh lo tih niin chu chuan lungawilohna nasa zawk a hrin phah tih a ni bawk a.
14 July khan quota system kalpui chu thu sawi zuiin chu chu pro-liberation lehanti-liberation forces thlah kal zelte thliarhran zel tumna anga ngaih a ni bawk a.
“Eng vangin nge lungawilohna lantirute hian freedom fighters te lakah lungawilohna an lantir? Freedom fighters tu leh fate hian quota beefits an nei lo a nih chuan Razakars tu leh faten quota benefits an nei dawn em ni?” tiin press conference ah a sawi a.
Razakars tih hi Bangladesh ah chuan tawngkam inhmuhsitna niin kum 1971 indonaa Bangladeshi thenkhatte Pakistan lam tangte sawina a ni.
Hasina thusawi hian a sawi zawh rual rualin lungawilohna lantirna nasa zawkin a hrin phah thung a. Zirlai sang tel tehmeuh te chuan prime minister thusawi an duhlohna lantirin Dhaka kawtthler an luah zui a ni.
A hnu lawkah ram chhung hmun hrang hrangah zirlaite chuan rally an nei zui a, ram chhung hmun hrang hrangah kangmei chhuak bawkin chung zingah chuan state broadcaster BTV pawh a tel.
Tun hnai kar hnih chhungin mi 500 chuangmanin ana wm tawh a, sorkar chuan sipai te ruaiin ram pumah curfew a puang zui a ni.
Bangladesh mobile internet leh text message services te chu tihtawp vek niin ni nga chuang hman theihlohin a awm tawh bawk.
Zirlai hruaitute chuan lungawilohna lantir zui zel tumin nunna chan te tan justice ngiatin sorkar minister te chu ban an phut bawk a, Hasina hnen atangin ngaihdam dilna an phut bawk.
Bangladesh-ah curfew la chhunzawm zel
Get real time updates directly on you device, subscribe now.