Bangladesh-ah Dengue natna vei tam

Bangladesh-ah chuan tun hnaiah dengue avangin mi 1,000 dawnin nunna an chan phah tawh a. Kum dang zawng aiin thosi tamin dengue virus chu tui tlingah nasa takin thosi ten an tipung tiin an sawi a.
Official-te chuan he natna darhzau zel tur venna lamah harsatna tawkin damdawi inte chu a lun hle tih a ni bawk.
Dengue hian internal bleeding siamin nunna hial chan phah theih niin lu na, luak, ruhchuktuah na leh khamte a siam thei a ni.
Dengue hi tropical rama leng deuh bik niin a bik takin khawpuiah sanitation chhiatna hmunahte a leng deuh ber a, thosite chu a pu darhtu berte an ni.
Bangladesh-ah seasonal disease anga ngaih thin a ni a, mahse kumin furpui lum leh hnawng bawk si zualah dengue a hluar zual tia sawi a ni. Public health official-te chuan dengue leng darh nasa chuan a barakhaih thu sawiin, dengue zingah rau rau pawh tuna leng mek chu a na ber tiin an sawi a. Doctor-te pawhin he natna veite chu an chau chak zual tiin an sawi bawk a.
Tun hnai thla hnih chhung velin dengue vanga nunna chan nitin 20 vel zet awm zel anga ngaih niin kumin hian tun hnai kum 22 chhunga dengue avanga thi zat khumin a awm der tawh tiin official-te chuan an sawi bawk.
Bangladesh chuan thosi tui theihna laka fihlim a nih theih nan public campaign nasa takin a kalpui chungin, tun aia nasaa hmalakna neih a ngai, tiin Dr Mushtaq Hussain, public health expert chuan a sawi a.
“Mi tam berte chuan furpui lai natna angah ngaiin reh leh mai turah an ngai a, hei vang hian an ngaihsak zui duh tak tak lo” tiin a sawi bawk.
Bangladesh a district 64 atangin dengue vei an awm vek a, damlo tam takte chuan capital Dhaka panin an dawn theih aia tam damlo an enkawl tia sawi a ni bawk a. Dengue veite enkawl nana hman ber intravenous fluids pawh mamawh tawk a awm lo tih a ni bawk.