Bangladesh atanga pem lut hnawhchhuak chak an duh
Bangladesh atanga pem lut
hnawhchhuak chak an duh
India hmarchhaka zirlai pawl hrang hrang intelkhawmna – North East Students Organisation (NESO) chuan Bangladesh atanga hmarchhak state-a pem lut tam lutuk hnawhchhuah kawngah state sawrkar ho hma la chak tura phutna lantir an tum.
NESO thuchhuak chuan, hmarchhak state-ah Bangladesh atanga pem lut tam lutuk chu sawrkar laipui Ministry of Home Affairs pawhin state sawrkar-te lo endik a, hnawtchhuak zel tura thu a pek hnu ah pawh Assam sawrkar tih loh state dang sawrkarten hma an la chak lo niin a sawi a. Hma la chak tura nawrna atan August 18 hian NESO hnuaia zirlai pawlte chu mahni state theuhah ‘sit-in protest’ nei turin a ti.
Hemi ni hian an state chief minister theuh hnenah memorundum thehluh nise, a ti a. NESO chuan hemi ni vek hian Prime minister leh Union Home minister hnenah memorundum a thehlut ve dawn bawk a ni.
Sit-in protest hi state sawrkar tinin dan loa India-a lut Bangladesh mi thliar a, hnawt haw tura phutna a ni.