Bangladesh hruaituin
inpumkhat turin ngen
Bangladesh sorkar lailawk kaihruaitu Muhammad Yunus chuan nilaini khan an ram politician-te chu inrem lohna dah tha a, inpumkhat turin a ngen a. Thenawm ram India chuan tihnghin a tum reng niin a sawi zui.
Muslim tamna ram hian August thla khan zirlai kaihhruai helna neiin, an ram hruaitu lu Sheikh Hasina chu an paihthla a, kum 15 chhung zet a rorelna chu a titawp ta a ni.
Hasina-i inhumhimna leh tlanchhiatna India chuan tunhnai khan Yunus-a kaihhruai sorkar chu Hindu te humhim thei lovah puhin, hei hian ram pahnih inkar a tichhe zual hle.
Bangladesh political party te inhmuhkhawmnaah Yunus chuan Bangladesh tluchhe mek tungding tura hmalak mek a nih thu a sawi a, hetih lai hian an hmalaknate tihchhiat tum leh thawnthu hlui dik zik tluan si lo thehdarh mek an awm thu sawiin, hei hi India a kahna nia sawi a ni bawk.
Nobel Peace Prize lo dawng tawh Yunus-a kaihhruai sorkar lailawk hian inthlanpui thar neih dan tur hmalakna an kalpui mek a, democracy tundin lehna tur an ngaihtuah mek thu an sawi.
Bangladesh hruaituin inpumkhat turin ngen
Get real time updates directly on you device, subscribe now.