Bangladesh sorkar paihthlak a nih hnu leh sorkar lailawk siam mek a nih hnuah sipaite chu thuneihna zau zawk pek belh an ni.
Zirtawpnia sorkar in thuchhuah a siamah chuan sipaite chuan police in nitin dan bawhchhia an man thei angin an thuneihna hnuaiah rinhlelh leh buaina siamte chu an man thei dawn a, an thuneihna pawh a zau tawh hle a ni.
Sipai thupuangtu Sami-Ud-Daula Chowdhury chuan pathianni khan sorkar in an hnena thupek a belhchhah leh siamte chu armed force te chuan an hlen chhuah dawn thu a sawi.
Police te chunga rinna nghat an tlem tial tial avangin Bangladesh hian sipaite hi thuneihna sang tak an pe mek a, tunah a aia nasa zawka an pek leh tak avangin sorkar lailawk pawh a ngaih a tha deuh niin report thenkhat chuan an sawi bawk.
Prime minister hlui Sheikh Hasina, 77 chu August ni 5 khan helicopter hmangin India ramah a tlanchhia a, zirlai kaihhruai nawrh huaihawttu mi 700 chuang thihnaah mawhphurtua puh niin, an ramchhungah hian a khat tawkin buaina a la chhuak reng a ni.
Bangladesh in sipaite thuneihna pek belh
Get real time updates directly on you device, subscribe now.
Next Post