Bangladesh in Tripura atanga electric lak tam duh

Bangladesh in Tripura
atanga electric lak tam duh
Bangladesh chuan Tripura atangin electric 250 MW tal lak an duh tih an sawi a, tunah hian eletrict 50 atang 80 MW an la mek a ni.
Tripura State Electricity Corporation Limited (TSECL) official pakhat chuan hemi chungchang hi sawichhuakin, Bangladesh sorkar chuan consumer te atanga mamawhna a san zel avangin mamawh phuhruk nan leh power tlakchhamna nasa tak an neih avangin Tripura hnenah hian electric 250 MW tal pe turin an ngen tih a sawi.
Official pakhatin a sawi zel danin, ‘Bangladesh tan hian nitin electric 50 atanga 80 MW thleng kan pe chhuak reng a, sawihona pawh neih reng a ni. Mahse electric supply tihpun nan chuan central sorkar phalna kan lak a ngai a, inremna hrang hrang ziah a ngai bawk. Keini thuthlukna siam ngawt theih a nih loh avangin kan chinfel mai theih a ni lo,’ a ti.
Bangladesh hian tualchhung buaina nasa tak an neih avangin ramchhungah buaina leh harsatna thleng hrang hrang a tam hle a, hei hian hmasawnna kawng tam takah tithuanawpin, sum leh paiah harsatna nasa tak an tawk mek bawk a ni.