Bank ho CSR leh education loan sawipui

Mizo Students’ Union chuan Mizorama bank hrang hrangte nen corporate social responsibility (CSR) leh student education loan chungchangah Zirtawpni khan Aizawlah inrawnkhawm a huaihawt.
Hmanpuitu adviser to chief minister (Finance) TBC Lalvenchhunga, MLA chuan CSR leh education loan chungchangah bank ho chu zirlaite leh Mizoram mipui tan, CSR fund hmanga tangkai lehzuala ke pen zel turin a chah.
Bank hrang hrang chuan CSR kaltlanga mipui tana an tih theih awmah chuan an tlanchhiat loh thu leh theihtawpa ke an pen thin thu an sawi a. Eduction loan-ah zirlaite atangin document thil tel tur duh khawp a awm thin loh avangin an duh angin an pe chhuak hleithei lo thin a, zirlaite atanga education loan dil an tam tawk lo tih an sawi bawk. Education loan pek chhuah kawngah zirlaiten harsatna an tawh loh nan tanpui an inhuam tih an sawi a ni.
MSU president Samuel Zoramthanpuia chuan bank ho chu zirlaite leh Mizoram tana ke penpuiah a sawm a. Inrawnkhawmna hian zirlaite tan rah tha tak a chhuah a ring tih a sawi a ni.