Bawkbawn lian ber

Iowa a thlai rah lian tak tak thar thin Dave Bennett chuan bawkbawn lian zet mai a thar a, pound 8.33 (kg 3.778424) a rit niin, Guinness World Record-in khawvela bawkbawn lian berah an puang.
Annin eggplant an ti a, keinin bawkbawn kan ti ve thung a, he bawkbawn lian hi Iowa Department of Agriculture leh Iowa Weights and Measures Bureau ten an endik thlap hnuah Guinness World Record-in bawkbawn lian berah an puang ta a ni.
Dave Dennett chuan, “Bawkbawn hi kum nga vel ka ching ve tawh a, kum hnih kalta khan pound 5.6 (kg 2.54012) a rit ka thar a, kha kha kan state record a lo ni ve tawh bawk,” a ti.
A hmaa Guinness World Records-in khawvela bawkbawn lian ber record-a an neih chu 2022-a England-a an thar niin, pound 7.21 (kg 3.270401) a rit a ni a, he record hi a rawn khum ta a ni.