Bawlhhlawh chharfaiin hnatlang

North East India UPC General PYD Environment Protection Committee hmalakna-in Inrinni zing khan Environmental Rally leh bawlhhlawh chharfai hnatlang neih a ni a. Environment Forest & CC minister TJ Lalnuntluanga chuan hmanpuiin, Aizawl khawpui chhung Pastor bial 16 atangin PYD member 500 vel an thawkchhuak.
Team hnihah insiamin Sikulpuikawn atanga Vanapa Hall leh Millenium Centre atanga Vanapa Hall inkar khawlaia bawlhhlawh chharfai a ni a. Vanapa Hall kawtah intawkkhawmin inkhawm neih a ni.
Minister chuan PYD-in Environment Protection Committee hial dina environment a vei chu lawmawm a tih thu sawiin, an hmalakna chuan Mizoram tan rah tha a chhuah ngei a beisei tih a sawi.
North East India huapin Environment Protection Committee hi kum 2009 atang khan din a ni a, hemi hnuaiah hian kawng hrang hranga hma lak na thin a ni.