Serchhip district-a bawlhhlawh sawngbawl dan tur leh faina beihpui neih chhunzawm dan tur relin bawrhsap Paul L Khuma hoin Thawhlehni khan thutkhawm a ni a. ‘Convergence Plan for Solid Waste Management in Serchhip District’ tih chu zirhoa pawm a ni a, Serchhip district-a a kaihhnawih department, tlawmngai pawl leh khawtlang hruaitu aiawhten hming an ziahhnan.
Serchhip district huamchhung khaw hrang hranga bawlhhlawh sawngbawl dan tur leh faina chungchanga ruahmanna hi kum khat chhung ngawrh taka kalpui a ni dawn a. Faina lam inzirtirna, bawlhhlawh thliarhran inzirtir, bawlhhlawh siam tam lo zawnga chhungtin khawsak dan tur leh a kaihhnawih inzirtir a ni dawn. College leh school zirlaite zingah, kohhran leh Sunday School-ah, mipui kalkhawm – gram sabha neihna hmuna bawlhhlawh thliarhran leh faina lam inzirtir thin a ni ang.
Solid Waste Management Centre sak thuai a nih dawn avangin hemi tinzawn hian hmalakna liantham taka kalpui a ni dawn a. Chhungtinin mahni inah theuh bawlhhlawh tawih thei leh thei lo thliarhran dan tur an lo zir lawk a, a tak taka an kalpui thuai theih nan inhrilhriat leh inzirtir tum a ni.
Bawlhhlawh sawngbawl dan tur duang
Get real time updates directly on you device, subscribe now.
Prev Post
Next Post