Bayern an chak zo lo
Zirtawp zan khan German Bundesliga-ah inkhel ngaihven hlawh tak a awm a. Season tharah tlawm nei lova kal tluang pahnih; Bayern Munich leh Bayer Lever-kusen ten hmahruaitu nih an inchuh. Allianz Arena-a inkhel hmuhnawm takah chak zawk an awm lova, tlawm pumpelh hram Leverkusen in hma an hruai chhunzawm.
Allianz Arena-a an mikhual Leverkusen lakah Bayern Munich in bul an tan tha a, inkhel tan atanga minute sarih na lekah an forward thar Harry Kane chuan hma-hruaina goal a thun nghal. Hma takah goal chhuah mah se Lever-kusen in si an phur rei duh bik lova, minute 24-naah Alejandro Grimaldo chuan goal thunin an si phurh a sut.
Goal khat ve ve an thun hnuin goal a luh belh thei lo vang vang. Hun rei tak goal a luh belh theih loh hnuin minute 86-naah Bayern Munich tan Leon Goretzka chuan hma an hruai nawn lehna goal a thun a, an mualah hnehna an chan zui a rinawm viau tawh. Hun pangngai tawp thlengin Leverkusen hian an si phurh sut thei lo mah se hun pek belhah an vannei a, penalty an hmu. Minu-te 90+4-ah Exequiel Palacios chuan penalty a pet goal a, an si phurh a sut a, 2-2 in an inhneh-tawk zui ta a ni.
Champion lai Bayern lakah tlawm an pumpelh vangin Bayer Lever-kusen hian khelh 4 atangin point 10 an hmu a, hma an hruai zui zel. An hnuai chiaha awm Bayern nen an point hmuh inzat mah se goal thun hnem zawk an nih chhawr tangkaiin Luver-kusen hian hma an hruai chhunzawm theih phah a, Bayern chungah an chuang. .
Bayern an chak zo lo
Get real time updates directly on you device, subscribe now.
Next Post