BBBP pualin thing phun

Mission Shakti hnuaia District Hub for Empowerment of Women (DHEW), District Programme Office (Women and Child Development Department) Lawngtlai district hmalakna in Beti Bachao Beti Padao (BBBP) 100 Days Campaign bawhzuina pualin August 16 khan Lawngtlai Council Venga Observation Home chhehvelah thing phunin an hnatlang a. Addl. DC Zoremsiama Hmar chuan a hmanpui.
Addl DC chuan India ram pum anga thlirin nau piangah hmeichhe an tlem zawk a; hmeichhe fa enhranna a awm thin avangte in hetiang lam hawia thil chin thalo nuaibo a nih theih nan sawrkarin theihtawp a chhuah tih a sawi. Mizoramah ngei pawh hmeichhe naupang dinhmun harsa tak tak an tam hle a, an harsatna sukiang tur leh tanpui an ngaihnaa tanpui turin Women & Child Development department an awm reng chu thil lawmawm tak a ni tih a sawi a ni.
Beti Bachao Beti Padao puala ‘plantation drive’ thupui atan hian ‘Promote Importance of Girl Child’ thlan a ni.