BCM-in nuai 86-in target khum

Baptist Church of Mizoram chuan kum kal mekah cheng nuai 86 chuangin an sum hmuh tura ruahman lawk an khum.
BCM Finance & Pension Department Committee thu Nilaini khan an thukhawm a. BCM president Rev KV Thanga’n kaihruaiin general secretary Rev R Lalbiakliana’n BCM sum a report a. Department annual plan leh achievement report inhrilhfiah a ni.
2023- 2024 April – November chhunga BCM Area tin bial target chhunluh zat tarlan danin, Hqrs Area tana bituk zat chu Rs. 49,81,62,000 a ni a, Rs. 33,50,85,030 chhunluh niin za zelah 67.26 a lut tawh. Aizawl Area-ah Rs. 18,33,80,000 bituk niin Rs. 12,92,32,812 (70.47%) a lut tawh. Lawngtlai Area-ah Rs. 11,83,36,000 beisei atangin Rs. 7,61,97,482 (64.39%) a lut tawh a. Missionary Supporter (total) Rs. 2,58,40,000 bitukah Rs. 1,86,19,885 (72.06%) a lut tawh bawk.
Heti hian a vaiin Rs. 82,57,18,000 bituk atangin Rs. 55,91,35,209 a lut tawh a, za zelah 62.73 a ni.
Thla 8 (April – November) atana pek ngai zat hi Rs. 55,04,78,667 (66.67%) a nih laiin, hemi chhunga lut zat chu Rs. 55,91,35,209 (67.72%) a ni a; thla 8 chin target khumna hi Rs. 86,56,542 (1.05%) a ni.
Thu ngaituah zingah, kum kal mek atana supplementary budget dilna hrang hrang ngaihtuahin, post ruak hnawhkhah dilna, post thar hawn dilna bakah department hrang hrang plan leh budget 2024-2025 an thlir a ni. Hengte hi BCM Assembly 2024-a ngaihtuah turin an thlen chho dawn a ni.