Calcutta High Court chuan kum 2016 a sorkar sponsored leh aided school-a zirtirtu lakte chu a cancelled vek a. Zirtirtu 25,753 velin an hna chan dawnin chu mai bakah an hlawh lak tawh zawng zawng bakah 12% interest pe tura tih an ni.
Division bench of Justices Debangsu Basak leh Md Shabbar Rashidi te chuan school teacher te dan kalha OMR sheet engmah inziak lo thehluh hmanga lak te chuan an hlawh lak tawh te chu kar li chhungin an pe let vek tur a ni a ti bawk a. District magaistrate chu chung zirtirtute a\anga pawisa la let tura hma la turin a ti bawk.
Chu mai bakah Supreme Court thupeka din Bench chuan CBI te chu appointment process chu chhui chianga thla thum chhunga report thehlut turin a ti bawk a. West Bengal School Service Commission (WBSSC) chu zirtirtu lak thar tur kalpui turin a ti zui bawk.
State sorkar chuan court thupek chu Supreme Court-ah a khin ngei rin a ni a. He teacher recruitment case kaihhnawihah hian Trinamool leader eng emaw zah chu lung ina tâng mek an ni bawk a, chung zingah chuan state minister hlui Partha Chatterjee pawh a tel.
Court thupek chhuah hnuah BJP te chuan Trinamool sorkar chu bei zui nghalin Chief Minister Mamata Banerjee leh a no. 2 a vah ni bawk Abhishek Banerjee te chu inthlanah hnehin an awm ang an ti zui nghal a.
“High Court chuan kum 2016-a SSC recrutiment 24,000 vel a cancelled a, CBI te chuan an duh custody-ah an hreng thei tawh. A phûte hmelah hlim hmel hmuh tur a awm ta a. Tun \umah hian vah leh a ni chu hnehin an awm ang” tiin BJP Bengal te chuan an sawi nghal a ni.
Bengal zirtirtu 25,753 te an ban
Get real time updates directly on you device, subscribe now.
Next Post