Modi-Shah sorkar leh chuan democracy nuai bo a ni ang : Mallikarjun Kharge

Mipui ten “Modi-Shah” an sorkar tir leh a nih chuan democracy India ramah a tawp ang tiin Congress president Mallikarjun Kharge chuan Madhya Pradesh a Satna a Lok Sabha election campaign a neihnaah a sawi.
“Kan Home Minister Amit Shah hian insukna washing machine lian tak awmna a nei a ni. Washing machine te chu thawmhnaw sukna atana hman a ni thin a, mahse a tum khat nan Shah laundry ah chuan mipui te suk an ni thin. Hruaitu lawk 27 te sukin an awm tawh” tiin Kharge chuan a sawi.
“Chu chu Prime Minister Narendra Modi sorkar a ni a, Shah sorkar a ni bawk a. In thlang tling leh a nih chuan he ramah hian democracy nuaboin a awm ang,” tiin Congress leader chuan a sawi.
Congress chief chuan INDIA coalition chuan April 19 a Lok Sabha constituency 102 inthlanna neih takah khan majority lian tak a nei ngei ang a ti a.
BJP te hna ber chu Congress leh Gandhi family te ankhum leh Constitution leh democracy ‘tihchhiat’ a ni tiin a sawi bawk a.
“Modiji ngei hian Dr. Bhimrao Ambedkar kha lo tho leh pawh ni se, Constitution thlak danglam a ni lovang a ti a. Mahse, chu chu thudik a nih chuan eng vangin nge i MP, MLA leh RSS chief Bhagwat ten ‘thwo-third majority min pe ula constitution kan thlak danglam ang’ an tih si” tiin Kharge chuan zawhna a siam bawk a.
“BJP MP Anatkmar Hedge chuan seat 400 kan mamawh a, tichuan Constitution kan thlak danglam thei dawn a ni,” a ti tiin Kharge chuan a sawi.
Kharge chuan ram rohlu public sector undertakings, airport leh industry lian te chu ‘mi pahnih’ hnenah hralhin a awm zel a. “Chung mi pahnih te chu tute nge? Adani leh Ambani te an ni a. Tu te nge hralhtu te chu? Modi leh Shah te an ni” tiin a sawi bawk.