Bengaluru-ah ruahsur laiin building chim

Bengaluru-ah ruahsur laiin building chim
Bengaluru-a Babusapalya-a building sak mek chu Thawhlehni khan a chim a, hnathawktu mi 17 vel an tang nia rin a ni. He thil hi ruahsur nasat laia thleng niin thuneitute chuan an sawi a. Chhanchhuah hna thawh nghal niin, kangthelh leh emergency department atanga chhanchhuahna van pahnih an tel.
PTI report-in a tarlan danin, ‘Mi 17 chu building chhungah an tang nia ngaih a ni a, chhanchhuah hna hi agency dangte puihnain thawhhona tha tak hnuaiah kalpui a ni,’ tiin a sawi.
Preliminary inquiry chuan building pumpui a chim a, hei vang hian mipuite chu bawlhhlawh hnuaiah an tang niin fire department official-in a sawi.
He in chim avang hian nunna chan an awm thu hriat a la ni lo a, thuneitute chuan chhanchhuah hna thawh mek a nih avangin mipuite kalpawh theih loha an siam rih bakah, hliamte dinhmun pawh enfiah nghal mek zel a nih thu an sawi a. Ruahsur nasa avangin chet zung zung erawh a har rih hle niin an sawi bawk.