Bengngawngte pual inkhawm

October ni 6, Chawlhni tlai dar 3-ah khan Ramhlun East Presbyterian Kohhran Hall-ah bengngawngte puala Pathian biak inkhawmna hmasa ber neih a ni.
He inkhawm hi Ramhlun East Presbyterian Kohhran Committee te’n an hman pui a. Kohhranin inkhawm zawng zawngte tan thingpui ruai an buatsaih bawk.
Vanlalkimi, chairman, Sunday Service for the Deaf-in inkhawm a kaihruai a, Samuel R Lalhmangaiha, principal, Ephatha School-in report a pe a, Upa K Vanlalnghaka, Kohhran Committee chairman-in thu a sawi a, Pathian hnena hlanna a nei bawk.
Vanlaldiki Sailo, Commissioner, PWD leh Vanlalruati, vice principal, Gelead Special School te’n thu an sawi bawk a, vohbik naupang te’n special item an nei bawk.