Beyonce “Texas Hold ‘Em” a lar ber

Beyonce “Texas Hold ‘Em” a lar ber
Beyonce hla thar “Texas Hold ‘Em” chu kar khat chhunga khawvel huapa hla lar ber niin Billboard Global 200 chart-ah a No.1 a, he chart-a Beyonce hla No.1 kai thei hmasa ber a ni a, hetihrualin he chart hi September 2020 atanga an tih tan chauh a ni thung.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) bakah download sales te chu tehna pawimawh a ni.
Beyonce ‘Texas Hold ‘Em” hian kar khat chhungin stream maktaduai 59.6 leh sales 43,000 a tling thei a, hei hi chart-ah No. atangin No.1 a kai pui ta a ni. Beyonce hi he chart-ah hian No.6 a lo kai tawh a, a hla ‘Break My Soul’ chu 2022 khan No.6 a kai a, tun hi No.1 a vawi khat kaina a ni thung.
Benson Boone ‘Beautiful Things’ chu kar hnih a No.1 hnuah No.2-ah a tawlh ta a, Ye leh Ty Dolla Sign ‘Carnival’ featuring Rich the Kid leh Playboi Carti chu No.2 atangin No.3-ah a tawlh a, Teddy Swimn ‘Lose Control’ chu No.7 atangin No.4-ah a insawn a, chart No.1 hlui Taylor Swift ‘Cruel Summer’ chu No.3 atangin No.5-ah a tawlh ta bawk.
Dua Lipa ‘Training Season’ chu streams maktaduai 43.9 leh sales 10,000 tlingin No.6-ah a debut a, he chart-a top 10 kai thei hla panga a neihna a ni a, a hla dang ‘Houdini’ leh ‘Dance the Night’ chu No.3 an lo kai ve ve tawh bawk a ni.

Billboard Global 200 Top 10:
1 Beautiful Things – Benson Boone
2 Carnival – ¥$: Kanye West & Ty Dolla $ign Featuring Rich The Kid & Playboi Carti
3 Cruel Summer – Taylor Swift
4 Texas Hold ‘Em- Beyonce
5 La Diabla – Xavi
6 Greedy – Tate McRae
7 Lose Control – Teddy Swims
8 Stick Season – Noah Kahan
9 Lovin On Me – Jack Harlow
10 Flowers – Miley Cyrus