Bhutan Lal-in Prime Minister Modi-a hmu

India-New Delhi chuan a mikhual chungnung bik tak Bhutan Lal Jigme Khesar Namgyal Wangchuk chu ram thil pawimawha ni 8 cham tura India-a a cham tur chu a lo lawm hle.
Bhutan Lal-in India a rawn tlawh hian ram pahnihte tan mellung pawimawh tak a niin ram inthenawm pahnihte inlaichinna nghet leh tlo zawk a siam dawn a ni. November ni 6 khan Prime Minister Narendra Modi chuan amah ngeiin Bhutan Lal lo thleng hi New Delhi-ah a lo hmuak a ni.
Ram hruaitu pahnihte hian hawihhawm leh awmze nei takin inkawmna an nei a, palai intirh tawn hmanga India leh Bhutan chu inlaichinna tha zawk neih zel an duh thu an nemnghet a ni. India ram a lo thlen tirh hian King Jigme Khesar Namgyal Wangchuk chuan Assam State a tlawh nghal a. Assam a tlawh chhung hian King chu Bhutan sorkar-a mi pawimawh ten tawiawm-in a pawimawhna leh a zin chhan ber te zing ami a nih thu tarlan a ni.
Bhutan Lal-in India a rawn tlawh hian hun rei tawh tak atanga India leh Bhutan te thian nihna leh thawhho na ti chak lehzual tura intiamna a keng tel a. Ministry of External Affairs thuchhuah siam danin thuk taka inhriatthiam tawnna leh inrintawnna te avangin ram pahnih inlaichinna chu a nghet bik a ni tih uar takin a sawi a ni. He intlawhna hian ram pahnihte inkara kawng hrang hranga thawh dunna thlir letna leh hmalam hun te sawihona remchang a siamin chu chuan inthian thatna nasa leh zual a siam dawn a ni. Kumin April thla tir khan Bhutan Lal hian India chu chawimawina hlanin President Droupadi Murmu, PM Narendra Modi leh External Affairs Minister S Jaishankar te a lo hmu tawh a ni. Tuna inbiakna neih mek leh ram hruaitu te intlawh tawnna neih mek hian ram pahnih te inlaichinna tha neih pawimawhzia a rawn ti chiang hle a ni. External Affairs Minister S Jaishankar chuan hmanni lawka Bhutan Lal nen inkawmna an neiha Bhutan-in sustainable transformation an hmathlir a nih thu a sawi kha a pawmpui reng thu a sawi nawn leh a. He intiamkamna hian india chu a ti phurin phurna thar te in share tawn turin Himalaya tlanga a thenawm ram chu a duh a ni.
King Jigme Khesar Namgyal Wangchuk hian S Jaishankar nen an inkawmnaah Assam a tlawh tuma a rilru an hneh thu a sawi a. External Affairs Minister pawhin Bhutan Lal nen inkawmna a nei thei chu vannei a intih thu sawiin, “Privilege to call on His Majesty, Bhutan Lal-in New Delhi a lo thlen hnu reilote-a ka hmu thei hi ka lawm hle a ni. Assam State a vawi khat tlawh naa a thil tawn te hriatin min ti lawm hle. His Majesty kaihhruaina hnuaia Bhutan-in sustainable transformation hmachhawpa a nei hi India chuan a thlawp takzet a ni,” tiin Jai Shankar chuan a sawi.