Bial hmasawnna tur sawipui

Aizawl West-II bialtu MLA, minister Lalnghinglova Hmar chuan nimin khan a bial Vaivakawn Local Council, NGO leh political party hrang hrang aiawhte nen Vaivakawn Community Hall-ah khawtlang mamawh leh hmalak dan tur an sawiho.
Vaivakawn khawtlang hian an vengchhungah ruihhlo do beihpui an thlak mek a, kalpui a nih zel dan tur ngaihtuahho niin, zirna lama hmasawnna tur, Mizoram Building and Other Construction Workers Welfare Board hnuaia kuthnathawktute tana hamthatna awm thei te sawiin, mipui tam zawk hriata puanzar dan tur an sawi ho.
Hemi hnu hian Vaivakawn Zohnuaia lei che leh tlahniam thin chu a hmunah khawtlang hruaitute nen an tlawh a, hmalak zel dan tur an thlir.