US Vice President Kamala Harris chu President Joe Biden chuan Democratic presidential nominee ni tura thlawpin Kamala Harris chuan party nominee ni tur leh chakna chang tura theihtawp a chhuah tur thu sawi nghalin November thlaa inthlannaah Republican candidate Donald Trump hneh turin ‘ka theihna zawng zawng ka seng ang’ tiin a sawi.
Joe Biden chuan presidential nominee a nihna atanga a inhnuhdawh thut hnuah Harris chuan Biden thlawpna hmu nghalin tihian Black hmeichhia leh Asian American ni bawk American political pary lian ticket chang thei tur hmasa ber a ni dawn ta bawk.
Kum 59-a upa Harris chuan Biden thlawpna a hmu chu a lawm thu sawiin Democratic Party nomination hmu tura theihtawp a chhuah tur thu a sawi bawk.
Pathianni zan khan kum 81-a upa Biden chuan Democratic party chhungah ngaihdan inang lo a nasat em tawh avangin a inhnuhdawh thu a puang a. Biden hian Republican rival Donald Trump nena presidential debate an neih hmasak berah a chet chhiat em avangin amaha rinna nghahna Democratic party chhungah a tlahniam em em a ni.
Biden-a thlawpna a hmuh chu presidential nominee ni tura pawimawh tak a nih rualin Harris chuan thla thara Chicago-a Democratic National Convention-ah party delegates te thlawpna a la mamawh ngei dawn thung a ni.
Biden hian a hmain party presidential nomination atana delegates 1,976 mamawh thlawpna mamawhah delagates 3,896 thlawpna a lo hmu tawh a ni.
Delegates te thlawpna a hmuh hunah harris chuan campaign funds a hmang thei dawn chauh a. Biden-Harris camapign te chuan a hma in Federal Election Commission ah filling lo nei tawhin tunah erawh chu chu siam danglam a ni dawn a ni.
“President thlawpna ka hmu hi ka lawm a, ka tum chu nomination hmuha chak ngei a ni” tiin Harris, US a hmeichhia, mihang leh South Asian vice president ni thei hmasa ber chuan a sawi.
Harris hi president hlui BIll Clinton pawhin thlawp nghalin chu chuan August 19 a Democratic National Convention neih huna delegate mamawh zah neih theihna turah kawngro a su hle dawn bawk a.
“American mipui aiawhin, United States president a nihna anga Joe Biden leadership danglam tak leh ram tana kum sawm tam a lo thawh tawhnaah lawmthu ka sawi a ni” tiin Harris chuan a sawi.
Harris chuan tun hnai kumah ram pum fanga a zin kual thu leh Americans tam tak te nena titina an neih thu a sawi bawk a. “Democratic party lungrual turin ka theihna zawng zawng sengin kan ram lungruala siamin Donald Trump leh a extreme Project 2025 agenda te hneh a nih theih nan hma ka la ang a. Election hma in ni 107 chauh a awm tawh a. Lungrualin kan bei ang a, kan chak ngei ang” tiin a sawi.
State Democratic party chairs te pawhin Vice President Kamala Harris chu an thlawp thu Association fo State Democratic Committee (ASDC) te chuan thuchhuah siamin an sawi bawk a.
“State party chairs, vice-chairs leh executive directors te chuan lungrual takin Vice President Kamala Harris kan thlawp a ni” tiin ASDC President Ken martin chuan thuchhuah a siamah a tarlang.
Bill Clinton leh secretary of state hlui Hillary Clinton te pawhin Harris chu thlawpin, “Harsatna tam takkan paltlang tawh a, mahse, Trump second term aia ram tana hlauhawm a awm lo” tiin thuchhuah intawm an siamah an tarlang bawk a.
“A nikhatna atangin dictator nih a intiam a, tun hnaia a bawih Supreme Court thutlukna chuan Constitution a duh anga a namnul theihna a pe bawk ang. Tun hi Kamala Harris thlawp hun a ni a, thlan tlin a nih ngei theih nan theihtawp chhuaha kan beih a ngai a ni,” tiin Clintons te chuan an tarlang bawk.
President hlui Barack Obama leh ex-House Speaker Nancy Pelosi te chuan Harris an thlawpna thu an la sawi lo thung a. “Hma lam hunah kan la tawn ngai loh kan tawng dawn a. Mahse, kan party hruaitu ten nominee duhawm takan phochhuah theihngei ka beisei a ni” tiin Obama chuan thuchhuah a siamah a tarlang.
Kamala Harris pawhin lawmthu sawiin Joe Biden chu fakin modern American history-ah a hlawhtlinna chu tlukrual loh tia sawiin President term hnih chelh tam takte aiin legacy hnutchhiah hnem zawk tiin a sawi a.
“A vice president ka ni hi ka inchhuang a. President, Dr Biden leh Biden family pum chungah lawmthu ka sawi a ni. President Biden hi a fapa Bueau kaltlanga ka hriat a ni a. Kan home state-ah Attorneys General nia kan thawhdun atanga inthian kan ni” tiin Kamala Harris chuan a sawi.
Mahni indahthaa ram hmangaih bur niin President Biden hian a nun pum chu American mipuite tan leh thil dang zawng aia ram dah pawimawh zawkin hna a thawk a ni, a ti bawk.
A hmain Biden chuan presidential election ah chuh a tum tawh loh thu sawiin, “Ka Democrats pui te u, nomination hnawlin ka theihna zawng zawng ka President term tha taka ka zawh theih nan hman ka tum a ni. Kum 2020 a party nominee ka nihna ka thutlukna siam hmaska ber chu Vice President atana Kamala Harris thlan a ni a. Ka thutlukna siam tawha la tha ber a ni,” tiin Biden chuan a sawi.
Biden inhnukdawk, Harris thlawp thu sawi
Get real time updates directly on you device, subscribe now.
Prev Post
Next Post