Bill Gates, kum 67, leh Paula Hurd, kum 60, te an inngaizawng niin an sawi. Paula hi Oracle CEO Mark Hurd-a nupui thihsan a ni a, Bill Gates pawh hi a nupui Melinda Gates nena an inthen atangin kum hnih dawn chu a vei ve leh ta reng mai.
Bill Gates leh Paula Hurd te hi January thlaa Australian Open an khelh zawh takah Men’s Singles Final an en dun a, khat tang khan an pahnih inkarah eng emaw a awm tih thawn a thang ta nghal a ni.
Anni pahnih hi engtik atanga inzui tan nge an nih tih hriat a ni mai lo va, nikum March thlaah pawh khan WTA Semi-Final game, Indian Wells, California-ah an lo en dun tawh bawk a ni.
Bill Gates hian a nupui then tak Melinda nen fa pathum- Jennifer, 26, Phoebe, 20, leh Rory, 23, te an nei a, kum 27 an inneih hnuah, 2021 khan an inthen. Paula pawh hi Mark nen kum 30 dawn inneiin, a pasal hi October 2019 khan a thi a, fa pahnih Kathryn leh Kelly a nei ve bawk.