Bill hminga Hindi hman kalpui tlang tum

Parliamentary panel chuan criminal law pathum Hindi hming vuah chuan constitution a kalh lo tia sawiin political party leh hruaitu thenkhat tena an sawiselna chu an hnawl.
Parliamentary Standing Committee on Home Affairs, BJP MP Brijlal kaihhruai chuan Article 349 of the Constitution chuan Supreme Court leh high court bakah Acts, Bills leh legal docuemnt a tawng hman tur chu English tawng a ni a tih thu a sawi a.
“Commmittee chuan Sanhita text chu English a ziah a ni tih a hria a, hei vang hian Article 348 of the Constitution a kalh lo. Committee chuan Ministry of Home Affairs in dan siam that arawtna hian Article 340 of the Constitution of India a bawhchhe lo” tiin Rajya Sabha a report an thehluhah a tarlang.
Bharatiya Nyaya Sanhita (BNS-2023), Bharatiya Nagarik Suraksha Sanhita (BNSS-2023) leh Bharatiya Sakshya Adhiniyam (BSA-2023) te chu Lok Sabha-ah August 11 khan pharh a ni.
Heng dang rawt te hi Indian Penal Code, 1860, Criminal Procedure Act, 1898, leh Indian Evidence Act, 1872 te thlaktu tura tih a ni a.
Senior Congress leader P Chidambaram chuan central sorkar in bill thlak nana Hindi a hman tumna chhanah zawhna a neih thu a sawi a.
“Bill ah Hindi hming hmang lovang u ka ti lo. English hmana nih chuan English hming pek mai tur a ni a. Hindi hmana nih chuan Hindi hming pek mai tur. Dan siam a nihin English a siam a ni a, a hnuah Hindi a lehlin leh a ni a. Bill law leh provision te chu English a ziah a ni chungin Hindi hming pek a ni a. Lam pawh a harsa a ni” tiin a sawi bawk.
Tamil Nadu’s ruling Dravida Munnetra Kazhagam (DMK) chuan criminal law te Hindi hming pek tumna chu an dodal nasa hle a.
Tamil Nadu Chief Minister MK Stalin chuan Centre chuan ‘linguistic imperialism’ a kalpui a ni tia sawiin ‘decolonisation hmingin recolonisation kalpui an tum mek’ tiin a sawi.
Madras Bar Associaiton pawhin Centre hmalakna bill pathum Hindi hming puttir tumna chu Constitution kalh an ti a, he mi kaihhnawihah hian resolution an pawm fel nghe nghe a.
DMK MP Dayanidhi Maran chuan panel chairman Brijlal hnenah lehkha thawnin bill a Hindi title hman an duhloh thu sawiin Hindi chauh ni lo tawng chi hrang hrang hmanna ram inlungrualna a tichhia a ni a ti.
Mahse, Union Education Minister Dharmendra Pradhan chuan Stalin’s thusawi chu “petty politics” a tihsak thung a.
Panel in ngaihtuahna a neih lai pawhin Union Home Secretary Ajay Bhalla pawhin Opposition MPs te DMK MP N R Elango, Dayanidhi Maran leh Congress MP Digvijaya Singh tena Hindi title bill a hman an duhlohna chu sawifiah tumna a nei bawk a.
Bhalla chuan bill thu te chu English a ziah vek a nih avangin constitutional provision engmah bawhchhiatna a awm lo a ti a.
MP rual te hennah Article 348 chuan bill, acts leh ordinance te text ah chuan English hman tur a tih avangin English a ziah a ni bawk a, engmah bawhchhiatna a awm lo a ti bawk.