Sabrina Carpenter hla pahnih ‘Espresso’ leh a hla thar ‘Please Please Please’ te chu karleh Billboard Hot 100 (singles) cart-a No.1 kai thei turin an chhut. Billboard Hot 100 chart hi kar khat chhunga US-a hla lar dan tehna niin, chart ranking siam nan hian kar khat chhunga all-genre US streaming, radio airplay leh sales data te chu tehna pawimawh a ni.
Sabrina Carpenter hian a hla thar ‘Please Please Please’ leh ‘Epsresso’ te hi New York Governors Ball music festival-ah a perform a, a music video a tichhuak thar nghal bawk a, hei vang hian ngaihven a hlawhin, streaming leh radio airplay-ah ngaithlatu an pung nghal hluai a, Spotify leh Apple Music-ah No.1 a kai nghal a, hei vang hian karleh Billboard Hot 100 chart-a No.1 thei tura rinkai a ni.
Sabrina Carpenter hian Billboard Hot 100 chart-a No.1 kai thei hla a la nei lo va, ‘Espresso’ hi No.2 te pawh a lo kai tawh a, tunah hian chart top 10-ah a lang mek bawk. ‘Please Please Please’ hi chu chart-ah a la lang lo va, karleh chart-ah hian No.1 thei tura rinkai a ni a, a No.1 loh pawhin chart top 5-ah chuan debut ngei tura ngaih a ni.
Billboard Hot 100-ah Sabrina Carpenter a No.1 thei ang em?
Get real time updates directly on you device, subscribe now.
Prev Post
Next Post