Birth certificate leh marksheet lem siamtute lakah FIR thehlut

Birth certificate leh marksheet
lem siamtute lakah FIR thehlut
Birth certificate leh marksheet siam thei nia social media lama insawite lakah Mizo Students’ Union chuan thubuai an thehlut a, Home minister an sawipui bawk.
MSU Gen. Hqrs. hruaitute chuan Thawhtanni khan Home minister K Sapdanga an hmu a. Tunhnaiah social media lama birth certificate leh marksheet siam thei nia insawi an awm thin chu tha an ti lo hle a. Heng mite hian document lem hmangin nasa taka pawi an khawih theih avangin, a chhuichhuah kawngah chak zawka hma lakpui turin an ngen tih an sawi.
MSU hruaitute hian Inrinni vek khan social media lama birth certificate leh marksheet lem siam thei nia insawi leh inzuarte chu chhuichhuah an nih theihnan First Information Report, Aizawl Police Station an thehlut a. Document lem siam hi Bharatiya Nyaya Sanhita (BNS) Section 336 hmanga kum hnih chhung lung in tan leh sumfai chawi theih a nih avangin hetiang laka fimkhur turin mipui an ngen tih MSU hian an sawi a ni.