BJP control theih loh chu Congress chiah – Lal Thanzara

Mizorama MP candidate kan neih zingah BJP thunun theih loh tur thu Congress candidate chiah a ni tih MPCC president Lal Thanzara chuan a sawi.
Lok Sabha inthlan atana Champhai tlangdunga an campaign-naah Lal Thanzara chuan MP candidate kan neih zingah engti kawng maha BJP sum hmang lo tur, BJP-in a control theih loh tur chu INC candidate chauh a ni, tiin, “BJP control theih party lamah nge an control theih loh party lamah vote kan thlak dawn tih ngun taka ngaihtuah a ngai. BJP-in foreign aid titawpin Kristianten ramdang atanga tanpuina kan dawng thei ta lo. Mizorama kohhran hrang hrang hi a tuartute kan ni a. Kolkata-a Mother Teressa pawl – Missionaries of Charity pawhin harsatna nemen lo an tawh phah,” a ti.
INC candidate Lalbiakzama chuan kum 2014 atanga India rama BJP-in sawrkarna a chan atang khan khawvel mithmuhah India a tlahniam chak hle a. Politics-a an khingpuite mankhawmin jail-a an tantirte hian khawvel a barakhaih a. Heng thil avang hian BJP ni lo te an tanrual that phah ve thung a. India Bloc-a tel lo party-te pawh India bloc-ah an rawn tel phah mek a. BJP paih an duhna a lian hle, tiin a sawi.
“MNF chuan an thutna tur an tichiang tawh. BJP lama an thut tur thu an sawi. ZPM-in vawiin thlengin an thutna tur lam an la sawi chiang duh loa. Sawi chian duh loh chhan an nei a ni. Zoram mipuiin central lama ZPM thawhpui tura rin an nei thup a, an ring sualin ka ring lo. An duhna lamah chuan kal rawh se. Central lamah duhthlan tur pahnih chiah a awm. Pakhat chu Kristiante tana hnawksak taka che thin BJP a ni a. Pakhat chu Kristiante thlavang hauh thin Congress party a ni,” Lalbiakzama hian a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More