BJP MP in Co ngress zawm
Rajasthan-a Churu MP tum hnih ni tawh Rahul Kaswan chuan BJP chhuahsain Congress a zawm a, Rajasthan a Sekhawati region a third generation jat politician a ni a. Rajasthan atanga MP naupang ber ni turin kum 2014 khan Bahujan Samaj Party candidate Abihnesh Mahrshi chu kum 37 mi lek nia hnehin MP a thlan tlin a lo ni tawh a ni.
Kum 47-a upa ni mek Kaswan chuan kum 2014 khan a tumpui chu 2.94 lakh a hnehin Churu Lok Sabha constituency a inhnehna sang ber a ni a. Thlantlin a nih hma in a pa Ram Singh Kaswan chu he seat ah hian tum li thlantlin a lo ni tawh bawk.
Kum 2019 khan Churu seat-ah vek Kaswan chan amah hnaih bertu Congress candidate Rafique Mandelia chu 3.34 lakh vote lawihin a hneh leh bawk.
Delhi University atangin commerce-ah bachelor degree nei niin chumi hnuah National Institute of Sales atangin management diploma a nei leh bawk a, sumdawnna lian tham tak tak neiin a zirlai hun atang tawhin vantlang rawngbawlna lamah a inhmang nasa hle.
Kaswan pu Deep Chand Kaswan chu freedom fighter leh MP ni bawk a ni a, a nu pawh Sadulpur atanga MLA a thlantlina lo ni awh bawk a Churu district ah kher chuan Kaswan chhungkua chu thiltithei ber anga ngaih an ni.
Kaswan leh a pate chu senior BJP leader leh Chief Minister hlui Vasundhara Raje nena inhnimhnai taka ngaih an ni a, nikuma Raje in kum 70 a tlin pawh khan Churu district ah ropui takin a piancham an lawmsak a ni.
Kaswan hi Jat community mi niin Rajasthan mipui 15% vel lawih an hauh a, BJP tena loneitute lungawilohna hmehmih a tum danah an lungawilo hle a, farmers group lian ber ber te chu Jats tena an kaihhruai an ni bawk. Hei bakah hian nikuma hmeichhe wrestler te lungawilohna chungchangah Jat community te chu Union government lakah an lawm lo hle tia sawi a ni bawk.
Kaswan hi BJP tena Churu district a ding tura an hnawl niin a aiah Paralympics player Devendra Jhajharia chu an thlang zawk a ni. Kaswan chuan Lok Sabha seat an pe duh lo chu lawm lo hle in, “Ka rinawm lo em ni? Hming chhiatna ka nei em ni? Churu-ah hian hmasawnna hnathawh tur ka hlamchhiah a awm em ni?” tia zawhna siamin a constitutency-ah chuan Central scheme an kalpui tha ber a ti bawk.