BJP president-in larsap kawm
BJP Mizoram president Dr K Beichhua, MLA chuan Ningani khan larsap General VK Singh chu a chenna in Raj Bhawan-ah a kawm.
BJP State president chuan, state pachhia leh hnufual tak kan nih avangin Mizoram-in kawng hrang hranga hma a sawn theihnan hma lakpui tur leh tandun puiah a sawm a. Mizoram mipui ei leh bar zawnna kawnga harsa tak takte hmakhua ngai a, Prime minister Modi hmalakna chhunzawm a, ‘Sabka Saath Sabha Vikas’ tih anga mitinin an chanvo diktak an chan theihna atan hmalak dun puiah a sawm a ni.
Larsap chuan Dr K Beichhua hi BJP State president a ni chu a lawmpui tih sawiin, a rawt anga Mizoram hmasawnna atana theihtawp chhuaha tan dun pui a tum tih a lo hrilh. Mizorama PM scheme hrang hrang kalpui a nih dan leh bawhzui dan pawh a tul anga enpui a, PM scheme a hlawhtlin theihnan hma lak a tul, tiin, hruikhat vuana thawh dun a tul tih a sawi a ni.
Get real time updates directly on you device, subscribe now.