Tijara a BJP candidate Mahant Balak Nath an inthlan dawna a elpui ber Congress candidate Imran Khan nena an inbeihna chu India leh Pakistan inbeihna a tih avangin Congress te chuan ‘politics of polarisation’ kalpuiah an puh a. Balak Nath chu a chak zawk bawk.
Rajasthan-ah BJP ten Hindu puithiam pali an dintir a, chu chu Congress te ‘politics of minority appeasement’ beihletna atana an tih niin Hindu puithiam pali – Balmukund Acharya, Hawa Mahal constituency; Mahant Pratap Puri, Pokhran; Otaram Dewasi, Sirohi leh Balak Nath te chu an chak vek a ni.
A tum khat nan Rajasthan inthlanah BJP te chuan Muslim candidate pakhatmah an nei lo va, Prime Minister Narendra Modi chuan Congress te chu ‘nawrhna leh firfiakna’ dawhtheiah a puh char char bawk.
Heng hindu puithiam pali te hma hian Uttar Pradesh Chief Minister Yogi Aidtyanath hnung an zui a. An pali zingah hian Balak Nath chu ‘Yogi of Rajasthan’ tih niin Tijara seat ah hian kum 1951 atanga 2018 inkar thlenga inthlanah khan BJP te tumkhat chauh an chakna a ni a.
He constituency ah hian Hindu 62% vel an awm a, Yadav leh Dalit te tamna niin vote tla pawh 86.11 percent lawih a ni bawk a. Balak Nath tan hian Uttar Pradesh CM Adityanath chu a campaign nasa hle a. Balak Nath an 49% vote hmu in Congress candidate Imran Khan chuan 46.28% a hmu thung a.
Hindu religious leader te chuan ‘polarisation’ theme ah neiin an campaign nasa hle a ni.
Pohran ah hian Pratap Puri, head of the Taratara Math in Barmer chuan Congress candidate leh sitting MLA Saleh Mohammad chu a hneh a. Kum 2018 inthlanah khan Mohammad an chakna a chan khan 870 vote chauhin a chak a. Kuminah erawh Pratap Puri chuan 35,000 chuangin a hneh thung a, a vote share pawh 58% lawih a ni.
Dewasi, Rajasthan a ‘Cow Minister’ hmasa ber nia kum 2015 a Chief Minister Vasundhara Raje Cabinet a tel tawh chuan Congress candidate Sanyam Lodha chu 35,000 vote chuangin a hneh a. Kum 2018 khan Dewasi hian Lodha a ngam lo thung a. Tribal tamna hmuna an campaign naah Dewasi chuan party politics kalsanin society tana tha vote tur tih chu thupuiah a nei thung.
Hindu puithiam pali chak zinga chakna chhe ber chu Acharya, mahant (head) of Hathoj Math a ni a. Hawa Mahal constituency ah Congress candidate R.R. Tiwari chu 914 vote in a hneh a ni. Hawa Mahal constituency ah hian Muslim electorate 34% an awm a. Hawa Mahal hi capital Jaipur a seat lar ber te zinga mi a ni a. Kum 2018 khan Congress atangin Mahesh Joshi a chak a, kum 2023 ah erawh seat a chang lo thung.
Acharya hi head of the All India Sant Samaj Rajasthan a ni bawk a. A campaign laiin Acharya chuan Muslim te tamnaah temple za tel tihchhiatin a awm tia sawiin inphiarrukna a ni tih chu a aupui a. Chung temple te chu kan din tha leh vek ang a ti bawk.
BJP ten Hindu puithiam pali chakpui
Get real time updates directly on you device, subscribe now.