Black Sea-a inkahhai turin Ukraine-Russia inrem
Russia leh Ukraine chuan Saudi Arabia-a a US-in ni thum chhung a biak hnuah Black Sea-a tuipuia inkahhai turin an inrem.
Washington chuan inremna a puannaah an zavaiin ‘rintlak leh muanna daih rei’ a awm theih nan an thawk vek tih sawiin inkahhai hian khawvela sumdawnna kawng pawimawh a hawng leh dawn tih a sawi.
A hmaa energy hmunpui inbeihsak loh tura an lo tih tawh pawh a taka kalpui turin ruahmanna thar an nei bawk tih White House chuan a sawi.
Hetih lai hian Russia chuan tuipuia inkahhai hi said the naval ceasefire would only come intei tur leh lei tihthatna sumdawnna an hrekna eng emaw zat hlih a nih hnuah chauh hman a ni dawn tih a sawi thung.
US thuneitute hian Riyadh-ah hian Moscow leh Kyiv aiawhte chu a hrang ve vein an kawm a. Russian leh Ukrainian aiawhte hi an inhmu ve lo.
Ukrainian President Volodymyr Zelensky-a chuan Black Sea-a inbeihna a awm tawh lo tur chu kawng dik zawhna rahbi pakhat a nih thu a sawi.
“Eng ang tak nge a rah tur sawi nan a la hma a; mahse, inbiakna tha a ni a kawng dik zawhna leh rahbi dik tak a ni,” tiin Kyiv-a thuthar lakhawmtute a kawmnaah a sawi.
“Hemi hnuah hi chuan tute mahin Ukraine hi muanna a awm nan ke a pen lo tiin an sawi thei tawh lo vang,” a ti a, a hmain US President Donald Trump-a chuan inremna tur dang tlatah a lo puh tawh a ni.
Washington-in inkahhai a awm tur thu a puan hnu lawkah hian Kremlin chuan Black Sea-a inbeih loh hi Russian bank, ei tur leh lei tihthatna siam chhuaktu leh thawn chhuaktu hrekna hlih a nih hma loh chuan a taka kalpui a nih loh tur thu a puang ve thung.
Russia-in a phut zingah hian bank pawimawhte chu SwiftPay payment system-a thlunzawm leh te, ei tur phur Russian lawng liante sumdawnnaa an veivah leh theih te, ei tur thar leh siamna tura mamawh lo lam khawl leh bungraw dangte inpeknaa thunun thlahdulte a tel.
White House-in thu a chhuahah hian hengte hi an inremnaah hian telh vek a ni em tih hriat a ni lo.
Thuthar lakhawmtuten Trump-a an kawmnaah chuan, “A zavaiin kan ngaihtuah mek a, an dinhmun kan thlir mek,” a ti.