Blazers an hralh fel ta

NBA club Portland Trail Blazers chu an hralh fel ta nge nge a, Carolina Hurricanes neitu Tom Dundon-a’n a lei fel ta nge nge.
Portland Trial Blazers hi sumdawng hausa Paul Allen enkawl thin a ni a, ani hi kum 2018 khan a lo boral tawh. A enkawltu ber Allen a boral hnuin hralh mai an duh reng a, hun a kal hret hnuin Carolina Hurricanes neitu Tom Dunson chuan a lei fel ta nge nge a ni. An hralhna sum hi Allen’s charity works ah chhun luh vek a ni ang.
Dundon-a’n Blazers a leina zat hi tarlan a ni lo naa US Dollar 4.25 billion (£3.21bn) vel bawr nia chhut a ni. A neitu inthlak bawk mah se an inbunna leh an hming erawh tih danglam tumna erawh a awm lo thung a, a neitu thar Dundon hi team Governor thar a ni thung ang. Portland Trail Blazers hi NBA-ah kum 1977 a an champion bak kha an la chamopion lova, season kal mekah pawh vawi 38 chakin tlawm zawkah vawi 38 bawk ang tang a, an che tha lem lo hle.
Blazers neitu thar Allen hi Bill Gates nen thawk dun thin a, Microsoft hmuchhuaktu zing a mi a ni a. NFL club lian Seastlle Hawks neitu a ni tel bawk. NBA-ah Portland Trail Balzrs hi tha zawka siam len a tum ang.