Blind School-in an zirlai
hlui, officer ni ta lawmpui
Moriah Association for tha Blind chuan an hnen atanga lehkha zirchhuak, tuna Mizoram sawrkar hnuaia officer ni ta N. Vahneichhi chu Thawhlehni khan lawmpuina an hlan.
Kum 2005-a mit khaw hmuh fiah loh avanga kum 5 mi lek a nih atanga Moriah Association for tha Blind-in an lo enkawl tawh N. Vahneichhi @ Vavana s/o N Ngohu, Siaha hi MCS (Combined Exam) ah Mizoram Information Service atan reserved category for PwD atangin a tling a. Tunah I&PR directorate-ah information & public relations officer-in a awm mek.
Lawmpuina hlannaah hian Moriah Association for tha Blind Board member leh zirtirtute an kal a. Board chairman Dr H Lallenmawia leh vice chairman PB Sangthanga bakah zirtirtu aiawhin Lalhumhima ten thu an sawi. He school dintu zing ami PB Sangthanga pawh hi a naupan lai atanga mitdel, Kolasib-a mitdel school atanga lehkha zir niin, tunah PHE department-ah a thawk mek.
Lawmpuina hlan Vavana chuan Moriah Blind School enkawltute avanga tun dinhmun thleng thei a ni tih sawiin, “Kan damchhung ni tehna hi kum zat ni loin, kan thil tih avanga mite thinlunga min hriat dan hi a ni. Bible a inziak, ‘Engvanga mitdel nge, tia zawhna, Pathian hnathawh a lanna tur a ni zawk,’ tih chu a taka dawngtu ka ni,” a ti.
Blind School-in an zirlai hlui, officer ni ta lawmpui
Get real time updates directly on you device, subscribe now.
Next Post