BOARD CHAIRMAN-TE LAWMMAN

MC. Lalthianghlima

Ni 6. 6. 2024 (Ningani) a Pu Lalduhoma kaihhruai sorkar-a council of minister thukhawm chuan ZIDCO Ltd. MIFCO Ltd. ZOHANDCO Ltd. MAMCO Ltd. MKVI board chairman-te lawmman (Hononarium) a ti punga. Heng board chairman-te status hononarium and entitlements ennawn rawtna agenda council of minister-in a pawm ang chuan, thla tina an lawmman (Hononarium) Rs 8000/- (Sangriat) ni thin chu Rs 40000/- (Singli) in an pun a ni.
Ngun taka ngaihtuaha, rilru lai tak pu chunga chhûtpui chuan, heng chairman parukte thlakhat lawmman Rs 8000/- ni thin Rs 40000/- a hlan chhoh hi a âwm hle a ni. Politics-a inbeih nâna kaih luh chi pawh a ni lem lo, mi rilru tluang pangngaite chuan, thîk chu sawi loh âwm an tihpui a ni.
Tunlai hian hmun thenkhatah leh khawi hmunah emawte chuan, he thil hian khel a hlawh viau ni âwm tak a ni a, sorkar liam ta a SEDP board phuah chawp zet mai board 14-te nena khaikhin phei chuan, tuna board chairman-te lawmman tih pun hi mipui lam pawh hian âwm an tihpui niin a lang.
Sorkar liam taa SEDP board 14-te enkawlna tura sorkar-in kum 2022-2023 atâna pawisa a hman ral ringawt kha, cheng nuaih 303.93 a ni. SEDP board pakhat zêl khan LDC pahnih leh IV grade pahnih theuh a keng tel bawk. LDC-te khan thlakhatah Rs 16920 ve ve leh IV grade-te’n Rs 11990 ve ve an hlawh.
Tin, SEDP Board tinte hnenah khan lirthei hire-na man atân thla khatah t 70000 leh office expenses atân kum khatah Rs 500000 pêk an ni bawk.
SEDP Board 14-ah khan MLA ni mêkin an enkawl board 10-te enkawl nân kum 2022-2023 chhûg ringawt ah khan Rs 2,03,38,400 hman a ni bawk. Tichuan, MLA ni lote SEDP board 4-te tân Rs 1,00,55,360 pêk an ni. SEDP board 14-te inenkawl nân hian kum 2022-2023 chhûng ringawt khan MNF sorkar khan Rs 3,03,93,760 a pe a nih kha.
Khatiang zawng zawng han chhût phei chuan, a bik takin MNF unaute tân chuan, tuna Mizoram sorkar-in ZIDCO Ltd. MIFCO Ltd. ZOHANDCO Ltd. MAMCO Ltd. MKVI board Chairman-te lawmman (Honobarium) ennawn saka, an thlakhat lawmman a ti pung hi han sawisêl viau chi niin a lang lo.
Kum 2022 July ni 25 thleng khan MNF sorkar khan, mau/raw tiak cheng nuaih 450.14 man a lei hem maia.
*A tum khatnaah tiak 84000 supply niin, t 67,20,000 man a ni.
*A tum hnihnaah Rs 86,03,000 man l, tiak 1,22,900 supply a ni.
*A tum thumnaah tiak 3,87,000 supply a ni leh a, Rs 2,96,91,750 man a ni.
Khang, mau/raw tiak zozaite kha, tunah eng tak ang mawle.
SEDP board 14-te tâna pawisa luangral zozaite leh mau/raw tiak leinaa pawisa luang ral zawng zawngte ngaihtuahin, tuna ZIDCO, MIFCO, ZOHANDCO, MAMCO, MKVI board Chairman-te lawmman Rs 8000 atanga Rs 40000 a tih sân hi thil mak a ni lova, an hnathawh nên pawh a inhmehin, an phû hle bawk a ni.
Chuvangin, he thu (Board Chairman-te thlakhat lawmman tih pun) hi sawi pûn viau leh han sawisêla khel viau tur a ni lem love.