Bodybuilder intihsiakna a tel ve thin zinga khawvela tawi ber record siamtu Pratic Mohite chuan Guinness World Record dang a siam belh a, minute khata push up tihnem thei ber (SS) record a siam.
‘SS’ hi ‘short stature’ tihna a ni a, piangphung emaw khawhmuh emaw rilru lam emaw a rualban lohna nei ten record an siam theih nana category hran sawinan an hmang a, mi nawlpui te nena huang khata dah lovin anmahni pual record category an siam a ni.
India a cheng Pratik hi 102 cm (feet 3 leh inches 4) a sang chauh a ni a, minute khatah push up vawi 84 a tihman a, record thar a siam ta a ni. A hmaa hetiang record chu minute khata push up vawi 49 niin, Pratik hian a rawn khum chiang hle a ni.
Pratik chuan record siam turin a inpuahchah nasa hle niin a sawi a, amah hi gym-ah personal trainer anga thawk lai a ni a, a hun awl neihah push up hi a practice thin. “A tirah chuan set khat te tein ka ti a, a set ka pun zel a, a tawpah a rah ka hmu ta a ni,” a ti.
Pratik hi 2021 khan competitive bodybuilder tawi berah Guinness World Records-in a lo puang tawh a, a hmaa hetiang record siamtu chu USA-a cheng Vince Brasco a ni a, ani hi 124.4cm (feet 4 leh inch 1) a sang a ni.
Bodybuilder tawi berin push up record siam
Get real time updates directly on you device, subscribe now.
Prev Post
Next Post