Bodybuilder turu lungphuchawlin thi

Belarusian bodybuilder , kum 36, khawvela bodybuilder turu ber (world’s most monstrous bodybuilder) an tih hial, nikhata ei leh in atanga calorie 16,500 la lut thin, workout nasa thei tak chu September ni 8 khan lungphuchawlin a thi tih nimin khan a nupui Anna Yefimchyk chuan a puang.
‘The Mutant’ te pawh an lo tih hial, he Belarusian athlete hian September ni 6 khan heart attack neiin, a nupuiin CPR te tiin, helicopter hmangin clinic-ah lak a ni a, ni hnih hnuah a thi tih an puang ta a ni.
Anna chuan, “Nitin a kiangah awmin, a lung a phu leh ang tih beiseina nen ka thlir thin a, mahse, doctor ten thu thin thawng tak, brain dead a nih thu min hrilh ta a ni,” a ti.
Feet 6 a sang, pound 340 (kg 154.220) a rit, Illia hi a bicep lian tha tak, 25-inch avanga hriathlawh a ni a, social media lamah pawh video hlimawm tak tak a dah thin. A diet leh workout dan vel te a tilang thin a, ni khatah protein shake 20 in-in, sushi boat 103 te pawh a ei thin a, a nikhat calorie lak luh hi 16,500 a tling thin. Hei bakah hian supplement chi hrang hrang a hman te hi a zêp lem lo a, growth hormone leh steroid a hman te hi a thup chuang lo.