Akshay Kumar chu Bollywood actor zinga kum 2022 chhunga chhiah chawi hnem ber a ni a, Income Tax department-in certificate te pawh an hlan nghe nghe a ni. Akshay Kumar hian kum khatah film pawh a chang hnem hman viau thin a, Bollywood actor zinga sum lalut hnem ber pawl niin, actor zinga kum khata chhiah chawi hnem ber pawh hi a lo ni fo tawh a ni.
2017 khan Forbes-in khawvela milar hlawh tam zual list an siamah pawh Akshay hi No.10 a ni pha a, chuvangin actor zinga chhiah chawi hnem ber a ni pawh hi a mak hran lo. Hemi kumah hian income tak cheng vaibelchhe 29.5 a chawi nghe nghe a ni. Forbes chuan Akshay Kumar hian kum khatah cheng vaibelchhe 486 vel chu a hlawh pha niin an chhut.
Akshay sum lakluhah hian a lemchanna bakah fakna hrang hranga a inlanna te, sports team leh a production house te chu a hlawm lian zual an ni, a brand hlutna pawh cheng vaibelche 1,113 niin Duff & Phelps chuan an chhut a, hei hi ‘Celebrity Brand Valuation Study’-a an tarlan dan a ni. Financial Express chuan Akshay hian fakna pakhata inlan manah cheng vaibelchhe 2-3 a la thin niin an tarlang bawk.
Akshay hian kabaddi team Khalsa Warriors neiin, Pro-Kabaddu League franchise, Bengal Warrior-ah pawh chanpual a nei a, production house Hari On Production, tunah chuan Cape of Good Films an tih tak chu 2008 khan dinin, Grazing Goat Pictures-ah Ashvini Yardi nen an inkawp bawk.
India actor chhiah chawi tamber dawttu chu chhim lam superstar Rajinikanth a ni a, ani hi 2018 khan Forbes-in milar sum lalut tam zual list an siamah No.14 a ni pha a, a hausakna hi cheng vaibelchhe 400 vel angin an chhut. Ani hian Chennai-a Poes Garden-ah in lian zet mai a nei a, a in hi cheng vaibelchhe 35 niin an chut.
Indian actor chhiah chawi tam pathumna chu Amitabh Bachchan niin, Salman Khan, Hrithik Roshan, Shah Rukh Khan ten an dawt a ni.
Bollywood actor chhiah chawi hnem ber Akshay Kumar
Get real time updates directly on you device, subscribe now.
Prev Post