Book of the Year hlan

Mizo Academy of Letters (MAL) chuan Thawhlehni khan kum 2023 chhunga lehkhabu tha ber atana a thlan, ‘Pangparhnima’ tih ziaktu Ahmangaihi Khiangte hnenah ‘Book of the Year 2023’ a hlan.
Book of the Year hlannaaah hian MBSE chairman JH Zoremthanga chu khuallian a ni a. BoY hian thuziak chei leh sumfai Rs. 10000 a keng tel.
MAL chhinchhiah danin kum 2023 chhung khan lehkhabu 170 a chhuak a. Heng zingah hian Ahmangaihi Khiangte ziak ‘Pangparhnima’ tih chu Book of the Year a thlan a ni.
MAL hi kum 1964 khan din a ni a, kumin hi a kum 60 na a ni. Diamond Jubilee pual hian MAL leh MBSE tangdun chuan seminar an buatsaih a. ‘Tunlai Mizo Thu leh Hla Thlirna’ tih chu MAL asst. general secretary Dr. H.Laldinmawia’n a sawi a. ‘Mizo tawng kalhmang: Linguistic lam atanga thlirna’ tih MAL executive member Dr Laltleipuii’n a sawi a ni.